Sunday, December 10, 2006
السيرة العطيويه
يا معلم الكل ليلتك فل أه يا طاطا
رايق و فايق و عايق و عايشها ببساطه
مالكش فى المنظرة و الجليطـــة و الألاطه
مدير عموم الهلاوس و الشيطنه و البطاطه
رايق و فايق و عايق و عايشها ببساطه
مالكش فى المنظرة و الجليطـــة و الألاطه
مدير عموم الهلاوس و الشيطنه و البطاطه
-------------------
المشهد الأول
نهار داخلى
سكشن مجمع (3 و 6) لمادة القانون - أكاديمية السادات - الإسعاف
نهار داخلى
سكشن مجمع (3 و 6) لمادة القانون - أكاديمية السادات - الإسعاف
*
الدكتور حسن - الدرجه بتاعت الإمتحان كانت من عشرة لكن درجاتكم كلكم مش ولابد. إلا قله قليله
الدكتور حسن - الدرجه بتاعت الإمتحان كانت من عشرة لكن درجاتكم كلكم مش ولابد. إلا قله قليله
*
أصوات غمغمه و همهمه غير مفهومه من الطلبه
أصوات غمغمه و همهمه غير مفهومه من الطلبه
*
الدكتور حسن - مين جايب درجة النجاح أو أكتر شويه؟
الدكتور حسن - مين جايب درجة النجاح أو أكتر شويه؟
*
أصوات كتيره مشابهه لما قبلها يقطعها صوت بطلنا
أصوات كتيره مشابهه لما قبلها يقطعها صوت بطلنا
الذى يشبه صوت الكروان عند ذبحه
*
طاطا - يا دوكتور أنا و أختى جايبين خمسه
طاطا - يا دوكتور أنا و أختى جايبين خمسه
*
الدكتور حسن - طيب ما كويس يا إبنى إتنين من
الدكتور حسن - طيب ما كويس يا إبنى إتنين من
عيله واحده و ناجحين (ضحكة عبد الوهاب) ها ها ها
*
طاطا - يا دوكتور يا دوكتور ناجحين إزاى
طاطا - يا دوكتور يا دوكتور ناجحين إزاى
بس. أنا جايب واحد و نص و هى جايبه تلاته و نص
*
أصوات ضحكات هستيريه و بعض الطلبه
أصوات ضحكات هستيريه و بعض الطلبه
يتمرغون على الأرض من الضحك و السكشن
باظ على دماغ صحابه
*
ملحوظه : دى كانت أول مره فى حياتى أشوف طاطا
ملحوظه : دى كانت أول مره فى حياتى أشوف طاطا
*
ملحوظه كمان : أنا كنت من اللى بيتمرغوا على الأرض
ملحوظه كمان : أنا كنت من اللى بيتمرغوا على الأرض
*
-------------------------------------------
*
-------------------------------------------
*
المشهد الثانى نهار خارجى فى الحديقه أمام المسجد - أكاديمية السادات - الإسعاف
طاطا - يا حازم يا خويا كميوتر إيه و هباب إيه
ده إحنا عايزين كورس فى إستعمال الكالكيتور
*
حازم - يا طاطا يا حبيبى دى لغة العصر
إسمع كلامى
*
طاطا - يا با إرحمنى السياحه زى الفل
و خفيف خفيف أنا نفسى أتخرج قبل ما
أطلع معاش
*
حازم - يا طاطا بلا سياحه بلا زفت
إحنا لازم نحافظ على البرستيج
*
طاطا - الله يخرب بيتك يا إبنى إحنا
ما صدقنا سنتين غارو فى داهيه
و بعدين إحنا لسه معانا كمبيوتر
سنه أولى
*
حازم - بص يا طاطا الشله كلها فى
كميوتر. إشمعنى إحنا! وبعدين فى سياحه
دى هاتغش من مين
*
طاطا - طيب بص. إحنا نسيبها للنصيب
*
حازم - يعنى إيه
*
طاطا - سهله جدا. معاك شلن فضه
*
حازم - أيوه أهه
*
طاطا - تختار ملك و لا كتابه
*
حازم - ملك
*
طاطا - قشطه
*
و يرمى العمله فى الهواء و تنزل على الملك
حازم يزعرد و طاطا يبكى و يقدموا فى تخصص
حاسب آلى
*
ملحوظه : و النعمه ده حصل
---------------------------------------------
*
المشهد الثالث - ليل داخلى السلالم المؤديه لغرفة شئون الطلبه - أكاديمية السادات - الإسعاف
*
طاطا و حازم فى زى عصابة القناع الأسود
طاطا و حازم فى زى عصابة القناع الأسود
*
طاطا - الله يخرب بيتك يا حازم مش كانت سياحه
أحسن بدل البهدله دى
*
حازم - يا طاطا إطمن دى عمليه نضيفه ميه الميه
*
طاطا - القريعى ده بيستهبل. حضور إيه و زفت
إيه. هو إحنا فاضيين
*
حازم - بس يا طاطا أدى كشوف الحضور
يا نهار إسود. ده إنت غياب كل المحاضرات
*
طاطا - يا لهوى يا لهوى. و إنت
*
حازم - هه. شرحه يا طاطا شرحه
*
طاطا - طيب صلح صلح
*
حازم - أيوه كده زى الفل إحنا فى
السليم
*
طاطا - ميه ميه يا حزوم
*
حازم - طاطا. بس كده التعديل باين
و لو دققوا هايجيبونا يا معلم
*
طاطا - يا نهار إسود و بعدين
*
حازم - مش عارف يا طاطا
*
طاطا - هات أم الكشف
*
حازم - يا سلام يا طاطا يا بو الأفكار
شفت الكميوتر عمل معاك شغل إزاى
*
طاطا - و لا أثر فيا. ده تأثير أكل الركيب
و شاى عم شحاته
*
حازم - كده ميه ميه
كل اللى ماحضروش حضرناهم
أقولك. يلا علم كل الدفعه حضور
*
طاطا - يا عينى. كده مافيش ولا واحد
غاب ولا يوم
يلا بقى لحسن أنا سامع صوت قطه و شكلى
كده جعان
*
ملحوظه : الكليه إكتشفت الموضوع و شيلوا
الماده لخمستاشر واحد فى الدفعه على أساس
إنهم أكتر ناس متعدلهم فى الكشف منهم محسوبكم
الله يحرقك يا طاطا
*
-------------------------------------
و بعد أيها الساده هذا غيض من فيض
و طبقا لما وعته ذاكرتى المحدوده من
أحداث جسيمه و مآسى عظيمه من السيره العطيويه
اللئيمه
و للسيره بقيه ما دام فى العمر بقيه
*
*
*
محمد منيسى
